Abunəsiz gələn on bir imkan
Aşağıdakı imkanların çoxu bazarda ayrıca modul, əlavə lisenziya və ya yuxarı tarif kimi satılır. ERPONA-da onlar əsas paketin bir hissəsidir - çünki hər biri bizim öz modulumuzdur.
Boşluq görəndə yazdıq - almadıq
Bu siyahı marketinq qərarı deyil, tikinti tarixçəsidir. Hər bənd bir müştəri sualından yaranıb: «əmək haqqını necə hesablayacağıq?», «balansı hardan çıxaracağıq?», «sex planşetdə nə görəcək?».
Cavab hər dəfə eyni oldu: həmin imkan ya bazarda ayrıca satılırdı, ya da Azərbaycan qaydalarını bilmirdi. Ona görə öz modulumuzu yazdıq - və o, paketin içində qaldı.
On bir imkan, on bir modul
Əmək haqqı
Gəlir vergisi, DSMF, işsizlik və tibbi sığorta - Azərbaycan dərəcələri ilə. Tabel və davamiyyət hesablaşmaya birbaşa bağlıdır.
Maliyyə hesabatları
Balans, mənfəət-zərər, dövriyyə cədvəli, baş kitab, yaşlandırma və pul axını - AZ hesab planı ilə.
Laboratoriya və keyfiyyət
Sınaq planı, nəticə, uyğunsuzluq və partiyaya bağlanma - keyfiyyət nəzarəti öz modelimizdədir.
Sex tətbiqi
Planşet ekranı: partiya, mərhələ, dayanma səbəbi. İşçi klaviatura yox, barmaq işlədir.
Şikayət və qaytarma
Müştəri şikayəti sənəddir: səbəb, məbləğ, qaytarma və kredit-nota bir düymə ilə bağlanır.
Planlaşdırma
Satış planı istehsal planını, o da satınalma planını törədir. Üç plan bir-birindən çıxır, əl ilə köçürülmür.
Sənəd portalı
Hər ekran üçün addım-addım təlimat - sistemin içindən açılır və almazdan əvvəl də oxunur.
Süni intellekt köməkçisi
Sual verirsiniz, cavab sistemin öz məlumatından gəlir. Uydurma yoxdur: yoxlamadan keçməyən cavab göndərilmir.
Təsdiq zəncirləri
Endirim səlahiyyəti, direktor təsdiq həddi, ay bağlanışının kilidi - kimin nəyi təsdiqlədiyi sənəddə qalır.
Hesabat konstruktoru
Öz kəsiminizi qurub adla saxlayırsınız və menyuya qoyursunuz. Hesabat heç bir hüquq açmır - sorğu sizin adınızdan gedir.
Sənədlərin saxlanması
Saxlanma müddəti və hüquqi dondurma: beş illik tələb sistemin qaydasıdır, adamın yaddaşı deyil.
Bunun əvəzi nədir
Öz modulunu yazmağın qiyməti var: onlar bizim məsuliyyətimizdədir. Səhv çıxsa, düzəldən biz oluruq; yeni qanun gəlsə, tətbiq edən biz oluruq.
Buna görə hər modul testlə gəlir və hər buraxılış avtomatik yoxlamadan keçir. Nə yoxdursa onu da açıq yazırıq - siyahının inandırıcılığı elə oradan gəlir.